كتبت : رويدا يونس يغور الراجل اللى يحسسك إنك قليلة، اللى يفقدك ثقتك في نفسك ويخليكي تغيري من البنات بدل ما هما اللي يغيروا منك، يغور الراجل اللى ينيمك كل يوم معيطة وتهون عليه دموعك، يغور الراجل اللي يفضل يعايرك طول الوقت على انه مستحملك ومستحمل عيوبك، يغور الراجل اللى مبيقدركيش ولا بيحترمك وبيطلع فيكى عيوب الدنيا و الاخره، يغور الراجل اللي يساومك على علاقتك بيه ويهددك لو ما اتعدلتيش هيتجوز عليكي، يغور الراجل اللي فاكر ان الرجولة هي انه يبقى مسموحله يعمل اي حاجة وانتي مش من حقك حتى تعترضي عشان هو راجل وانتي ست، يغور الراجل اللي يستقوى عليكي ويخوفك بدل ما يقويكي ويطمنك، يغور الراجل اللي يكره شخصيتك القوية ويحاول دايماً يكسرك عشان يثبت رجولته، يغور الراجل اللي يعتبر ان دورك في الحياة هو انك تسامحيه حتى لو بيكرر نفس الغلط كل يوم، يغور بجد اللي فاكر نفسه "راجل" وهو مبيعملش اي حاجة تخليه يستحق الوصف ده..
